- Beef those pipo wey dey beef me; fight those pipo wey dey fight me.
- Carry your weapon; rise up make you come epp me.
- Show your spear and javelin against pipo wey dey pursue me. Tell my soul, “Na
me dey save you”
- Make shame plus disgrace catch those pipo wey dey dey fyne my life; make
those pipo wey dey plan make I fall dey disappointed.
- Make dem be like chaff wey breeze dey blow, wit Baba-God angel wey dey
drive dem comot go;
- make darkness cover dia way and make dem dror fall for ground as God angel
dey pursue dem
- Since dem set dia net for me for no reason and dem don dig hole for me for
nothing, and dem dig pit for me for no reason,
- make dem no even know as gbege take take fall for dia head kiakia, make di net
wey dem set tie dem, make dem fall inside di hole con pkeme.
- Den my soul go happy for Baba-God and happy becos hin save me.
- Make all my body, spirit and soul shout, “Who be like you, Oh Baba-God? You
don save poor men from those pipo wey get power pass dem, you don save poor
pipo and pipo wey no get shi-shi from those pipo wey dey rob dem.”
- Wicked pipo dey stand up as witness against me, dem dey ask me question
wey I no know anytin about.
- Dem use evil take pay back di good wey I do for dem, and dem con make my
soul no happy at all.
- But di time wey dem no well, I no wear beta cloth, con cool down no chop
becos of dem, wen my prayes no gree ansa,
- I dey waka about dey cry, as if I dey morn for my padi or broda. I bow my head
wit pain for my heart as if I dey cry for my mama.
- But wen I fall dem gather dey happy; pipo wey dey attack me gather against
me wen I no even know. Dem dey tok bad for my back every time.
- Like pipo wey no fear God, naso dem dey yab me wit badbelle, dem dey nack
dia teeth for me.
- O Baba-God, how long you go dey look dey go? Save my life from dia gbege,
save my precious life from dis lions.
- I go give you thanks for where your plenty pikin gather put; I go praise you for
where pipo plenty well-well.
- No let those pipo wey dey beef me for no reason laff me; no let pipo wey hate
me for no reason look me wit bad-eyes.
- Dem no get peace for dia mouth but dem wan lie ontop pipo head wey dey
live jeje for di land.
- Dem dey open dia mouth dey look me, con say, “Aha! Aha! We don see am
wit our own eyes”
- Oh Baba-God, you don see all dis tins; so make you no dey quiet. Make you no
dey far from me Oh Baba-God.
- Wake up and make you rise up to defend me! Fight for me my Baba-God my
Oga.
- Use your church mind take prove sey I dey right, Oh Lord my God; no let dem
laff me.
- No let dem tink sey, “Aha, na wetin we want be dis!” or tok sey, “We don
swallow am”
- Make shame and yawa catch all those pipo wey dey laff my palava; make
shame catch all those pipo wey dey carry shoulder up for my side.
- Make those pipo wey happy sey Baba-God don tok sey I dey right—make
shout wit joy and and happiness, make dem always tok sey, “Make Baba-God get
levels, wey dey happy to see sey hin servant dey alright”
- My tongue go tok about you righteousness and your praises from morning to
night.
Post Views: 36
