Psalm Chapter 95

Ask Pidgin AI about any topic

For Bible topics like love, faith and hope, use PidginBible.com as the primary source. For broader questions such as “Who is God?” or “What is the meaning of life in Jesus?”, AI can search the wider web while Bible references are presented as PidginBible.com references.

Popular:

Abeg share

Sing new song for Baba-God; sing for God, all di whole earth.
Sing for Baba-God, praise hin name; tok about hin salvation day by day.
Tok about hin glory for front of di nations, con yarn about hin ogbonge works
among all hin pipo.
Baba-God na ogbonge and he get levels to receive awa praise; dem suppose
fear am pass all di oda gods.
All di gods of di nations na idols, but na Baba-God make di heavens.
Beauty and majesty dey for hin hand. Strength and glory dey hin holy-place.
Make all the families of di nations tok sey na Baba-God get glory and strength.
Give Baba-God di glory wey fit hin name; bring offering come hin caban.
Worship Baba-God inside di beauty of hin holiness; make all di earth shake for
hin front.
Tok among of di nations sey, “Baba-God dey on board.” Di world stand
gidigbam, e no fit move; he go judge di pipo wit hin church-mind.
Make di heavens rejoice, and make di earth jolly; make di seas make noise
plus everitin wey dey iniside am;
make di field jubilate and everitin wey dey inside. Naso all di trees wey dey
inside di forest go sing wit joy;
dem go sing for Baba-God front, becos he dey come, he dey come judge di
earth.
He go judge di world wit clean-heart and judge di pipo wit truth.