Proverbs Chapter 31

Di Words of King Lemuel

1. Dis na di words of king Lemuel—oracle
   wey hin mama teach am.
2. “Chai my son, chai my pikin wey I carry
   for my belle, chai my pikin of promise,
3. no give your pawa to women, no follow
   those pipo wey dey spoil kings.
4. “No be for kings, Oh Lemuel—no be oba
   suppose dey drink wine, no be rulers
   suppose dey drink ogogoro.
5. Or dem go high—com fashi di law, and
   bend di justice of pipo wey dey suffer.
6. Give ogogoro to pipo wey dey kpeme, and
   give wine to pipo wey dey feel pain.
7. Make he drink, con forget hin poverty, and
   fashi dat tin wey dey worry hin mind.
8. “Tok for those pipo wey no get mouth to
   tok, tok about di rights of those pipo wey dey
   face death.
9. Open your mouth to give good judgement,
   fight for poor pipo, plus pipo wey need epp.”
   Woman Wey Get Beta Character
10. Who fit fyne wife wey get beta
    character? She get value pass rubies.
11. Her husband believe her well-well, and
    she dey give am everi beta tin wey he want.
12. All di days of her life, she dey show am
    good tins, no be tins wey go wound am.
13. She dey select wool and flax, and she dey
    enjoy her handwork.
14. She be like ship for water—wey dey
    bring market from far-far.
15. She dey wake up for night to arrange
    food for her family, and her house-girls.
16. She see land wey she like, she pay for
    am—from her moni wey she don make—she start her grape-farm.
17. She strong kakaraka, and she dey hustle
    well-well wit her hand.
18. She know sey her business dey move,
    and her lamp no dey off for night.
19. She dey use her hand make her cloth, and
    she dey weave her own cloth.
20. She sabi give poor pipo tins, and she dey
    give pipo wey need epp.
21. Wen cold dey, she no dey fear for her
    family, becos all of dem get sweater.
22. She dey make her own bed sheet; she dey
    wear fine linen cloth and purple gown.
23. Dem dey respect her husband for di gate
    of di city, wen he dey sidon wit di senior-men
    of di land.
24. She dey make linen dress wey she dey
    sell, and she dey supply girdle for market-
    pipo.
25. She wear pawa and respect for body, and
    she go happy for future.
26. She dey tok wit wisdom, and beta words
    nahin dey for her mouth.
27. She dey take care of all her family mata,
    and she no dey chop di bread of laziness.
28. Her pikin go stand up con tok sey she be
    blessing, and her husband sef go cut-cap for
    her:
29. “Plenty women dey do well, but your
    level pass all of dem.”
30. Fine-f ine-t ins f i t deceive pesin, and
    beauty dey fade, but make dem cut-cap for
    woman wey dey fear Baba-God.
    Give her di pay wey she suppose get, and her
    hustle go make pipo cut-cap for her for
    publik.