Isaiah Chapter 12

Di Song of Tanks-giving

1. On dat day, una go tok sey, “Oh Baba-God, I go praise you, even though you bin dey vex for me, your vex don turn komot and you don cool me down.
2. See, Baba-God don save me. I go trust and I no go let fear catch me, becos Oga Chineke na my pawa and my song. Evensef, he don turn to di pesin wey dey save me.”
3. So na wit happiness you go take fetch water from di wells wey dey save una.
4. On dat day, you go tok sey, “Praise Baba-God, call hin name, tell pipo wetin he dey do, tok sey hin name get levels.
5. Sing to Baba-God, becos he don do beta tins, make pipo know dis tins round di whole world.
6. Make di pipo of Jerusalem shout hin praise wit happiness! Becos di Holy One of Israel wey dey live among una na ogbonge.