- Baba-God dey reign, make di nations dey shake; he sidon for throne for middle
of cherubim, make di earth shake.
- Baba-God na ogbonge for Zion; he get levels pass all di nations.
- Make dem praise you ogobge and elele name—he dey holy.
- Di king dey mighty and he love justice—you don stand your justice gidigbam;
for Jacob, you don do wetin dey fair and right.
- Make una cut-cap for Baba-God wey be awa Oga and make una worship for hin
footstool; he dey holy.
- Moses and Aaron dey among hin priest, Samuel dey among those pipo wey call
hin name; dem call Baba-God and he ansa dem.
- He follow dem tok from di pillar of cloud; dem keep hin law and di
commandment wey he give dem.
- Oh Baba-God wey be awa Oga, you ansa dem, you be God wey dey forgive
Israel, even though you punish dem for di bad tins wey dem do.
- Make una cut-cap for Baba-God wey be awa Oga, con worhip for hin holy
mountain, Baba-God wey be awa Oga dey holy.
Post Views: 61
