Psalm (Pidgin Bible)

Psalm Chapter 71

Abeg click here to share dis post

Di Prayer Of Senior-man

  1. Oh Baba-God, na you I dey trust; make
    shame no ever catch me.
  2. Save me inside your goodness, and epp me escape. Hear me, and free me.
  3. Be my rock wey I dey always hide my
    head put, you don give your word to save me, na you be my rock and strong-house.
  4. Free me, Oh my God—from wicked
    pipo hand, and from evil men, plus wicked men.
  5. Oh Baba-God, na you be my hope, na
    you I dey trust since wen I be youth.
  6. Since dem born me, na you don keep me; you bring me come out from my mama belle. Na you I go always praise.
  7. Many pipo dey wonder becos of me, but na you be my strong- house.
  8. Make my mouth burku wit your praise,
    and wit your glory—from morning till night.
  9. No fashi me wen I don old; no leave
    me—wen I no-get-pawa again.
  10. My enemies dey bad-mouth me; and
    pipo wey dey wait to take my life dey plan togeda.
  11. Dem tok sey, “Baba-God don komot
    from hin side; pursue am make we catch am; no-pesin fit save am.”
  12. Oh Baba-God, no dey far from me;
    sharp-sharp come epp me!
  13. Make di enemies of my life confuse, and make dem kpeme; make shame plus disgrace catch all those pipo wey wan wound me.
  14. But as for me, I go kontinu to hope, I go always praise you more- more.
  15. My mouth go tok about your
    goodness—from morning till night, becos I no-fit count dem finish.
  16. I go move wit di pawa of Baba-God, I go tok only about your goodness.
  17. Oh Baba-God, since wen I be small
    pikin, na you don dey teach me, and reach today—I go tok about your ogbonge works.
  18. Even wen I don old wit white hair for my head—no fashi me, oh Baba-God; until I show your strength to di next generation, and your pawa to pikin wey dem neva born.
  19. Your goodness high well- well, oh Baba-God—you wey don do big-big tins. Who be like you, oh Baba-God?
  20. You wey don make me see plenty and serious wahala—go ginger me again, and you go raise me up again from under ground.
  21. You go add-join my greatness, con cool me down from everi side.
  22. Becos of your faithfulness, I go praise you wit lute, oh my God; I go sing praises to you wit harp, oh Holy One of Israel.
  23. My lips go sing wit serious happiness wen I sing for you—plus my soul wey you don save.
  24. My tongue sef go tok about your correct works— f rom morning till night, shame and katakata don meet those pipo wey wan wound me.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website