- My heart dey move wit some beta punch-line as I dey read my poem for di king;
my tongue na di biro of writer wey sabi write well-well.
- Na you be successful pass among men and God don anoint your lips wit grace,
since Baba-God don bless you forever.
- Carry you sword for your side, Oh mighty one; baffup like king wey get levels.
- Carry-go front like king wey don win for truth, humbleness and righteousness;
make your right hand show ogbonge work.
- Make your sharp arrow shuuk di heart of di King enemy, make di nations fall
under your leg.
- Oh Baba-God your throne go last forever and ever; na staff of justice go be di
staff of your kingdom.
- You love righteousness, con you hate wickedness; so Baba-God wey be una God
go anointing una wit di ororo of joy to give una levels pass una padi dem.
- Perfume of myrrh and aloes plus cassia nahin dey scent fot all your cloth; from
palace wey dem design wit ivory, muic from string dey make body dey sweet you.
- King daughters dey among your women wey dem respect; di royal bride wey
baffup wit gold of Ophir dey for your right hand.
- Hear me, Oh daughters, calm dowm make you listen to me: Forget your pipo
and your family dem.
- Your beauty don blow the king mind; respect am becos na your Oga.
- Di daughter of Tyre go carry gift come, men wey get power and moni go fyne
your favor.
- Di princess get levels well-well for her yard; na gold dem take weave her
gown.
- Na designer dress she go wear wen dem wan carry her go meet di king; her
padi wey be virgn go follow her and dem go bring her come meet you.
- Naso dem go waka enta di palace wit joy and happiness.
- Your sons go take over from dia papa, you go make dem princes all over di
land.
- I go make pipo remember you from generation to generation; so di nation go
cut-cap you forever and ever.
Post Views: 56
