- Save me, Oh Baba-God, di water don reach my neck.
- Dey sink for inside swap, for where no strong ground for me to put my leg. I
don enta inside deep water, di plenty water wan carry me go.
- I don taya to dey shout for epp; my throat don dry finish. My eyes dey don dey
close as I dey fyne my God.
- Those pipo wey hate me without reason plenty pass di hair wey dey my head;
my enemies plenty for no reason, those pipo wey wan scata me. Dem don force
me pay for wetin I no thief.
- You know my mumu-way Baba-God, you fit see di bad-bad tins wey I don do
wey dey disturb my mind.
- Make disgrace no catch those pipo wey dey put dia hope on you becos of me,
Oh Oga, di Lord almighty; becos of me make shame no catch pipo wey dey fyne
you, Oh God of Israel.
- I dey maintan as dem dey treat men anyhow becos you and shame don cover
my face.
- I be JJC for front of my brodas, I be like foreigner for front of my own mama
pikin;
- I get serious mind die—for your house, and di insult of those pipo wey dey
insult you dey fall on me.
- Wen I cry and fast; I must endure as dem dey treat me anyhow;
11.
- Those pipo wey dey sidon for front of di gate dey yab me, and na me
shayoman take dey sing.
- But I dey pray to you, Oh Baba-God, ansa me wit your salvation wey sure, for
di time of your favor; and for inside your great love, Oh Baba-God.
- Save me from di swamp, no let me sink, save me from those pipo wey hate
me, from water wey dey deep.
- No let di flood water cover my head or let deep water carry me go, or let pit
swallow me.
- Ansa me, Oh Baba-God, wit di goodness of your love, turn face me wit your
great mercy.
- Make you no throway face from your servant; ansa me quick-quick, I dey
inside wahala.
- Come near my side make you save me; save me becos of my enemies.
- You know as dem dey treat me anyhow, as shame and disgrace dey catch me;
all my enemies dey your front.
- My heart don break becos dem don use me do any how and dem leave me wit
no epp; I fyne pesin wey fit even sorry for me, but I no see anybody, I fyne for
pesin wey go cool me down, but I no see any-pesin.
- Dem put gall inside my food, con give me vinegar drink wen water dey hungry
me.
- Make di table wey dem set for dem to chop turn to trap; make e turn to
punishment and trap.
- Make dia eyes cover wit darkness so dat dem no go fit see, and make dia back
bend forever.
- Pkara for dem; make your serious vex cover dem.
- Make everi-pesin run comot from where dem dey stay, make pesin no dey to
live inside dia house.
- Pipo wey you wound nahin dem dey show pepper and dem dey do amebor for
pipo wey you whozz.
- Put plenty crime for dia head; no allow dem share inside your salvation, Oh
Baba-God protect me.
- Comot dia name from di book of life and make dia name no go dey wit
righteous pipo.
- I dey inside pain and wahala, make your salvation, chai Baba-God, protect me.
- I go praise Baba-God name inside song con give am glory wit thanksgiving.
- E go make Baba-God belle sweet am pass Ox, pass nama wit horn and hoofs.
- Poor pipo go see am and hin belle go sweet dem—you wey dey fyne Baba-
God, make your heart live!
- Baba-God dey hear pipo wey no get shi-shi and he no go fashi hin pipo wey
dem kidnap.
- Make heaven and earth cut-cap for am, di water and everitin wey dey waka
inside am,
- Baba-God go save Zion and he go build di city of Judah. Naso pipo go settle for
there con claim am;
- Baba-God servant pikin go inherit am and pipo wey love Baba-God name go
stay for there.
Post Views: 59
