Psalm Chapter 91

Abeg share

Pesin wey stay for di crib of di Most High, go relax for the shadow of di
almighty.
I go yarn Baba-God sey, “Nahin I dey hide my head put and and nahin be my
strong-house, my God wey I trust.”
True-true he go save una from badbelle pipo trap and from virus.
He go use hin feathers cover you, and you go hide your head for under hin
wings. Hin faithfulness go be your gaurd and wall.
You no go fear di gbege for night no di arrow wey dey fly for day,
or di virus bad-bad disease wey dey hide for corner, or di outbreak wey dey
dabaru for afternoon.
One thousand pipo fit fall for your side and ten thousand for your right hand,
but e no go come near where you dey.
You go only see am wit your eyes con see as Baba-God go take punish wicked
pipo.
If you make your caban be di Most High—even di Lord wey I dey hide my head
put—
naso no bad tin go come where you dey and no palava go come near your
crib.
He go yarn di angels make dem protect you to guard you for all your ways;
dem go hold your hand make you no nack your leg for stone.
You go waka ontop di lion and cobra; you go match ogbonge lion and snake.
Baba-God sey, “I go save am becos he love me, I go protect am becos he
respect my name.”
He go call me and I go ansa am; I go dey wit am wen yawa gas. I go free am
con honor am.
I go give am long life brekete, con show am my salvation.”

Post Views: 332

Questions about Psalm 91

What is Psalm 91 in Pidgin Bible?

This page contains Psalm 91 in Nigerian Pidgin Bible. Read the passage here: https://pidginbible.com/psalm-chapter-91/

Where can I read Psalm 91 in Nigerian Pidgin?

You can read Psalm 91 in Nigerian Pidgin on Pidgin Bible: https://pidginbible.com/psalm-chapter-91/

Which Bible book contains Psalm 91?

Psalm is the Bible book identified by this reference.

What chapter is Psalm 91?

The chapter identified by this reference is 91.