Psalm Chapter 101

Di Promise Of David

1. Dis na Psalm of David. I go sing about your mercy plus justice; Oh Baba-God, na to you I go sing praises.

2. I go live beta life in a perfect way—wen you go come meet me? I go waka for my house wit clean-heart.

3. I no go use my eye look any evil tin. I hate di works of pipo wey don turn komot from Baba-God; e no go gum-join me.

4. Men wey get bend-bend heart go komot from my side; I no go know evil tins.

5. I go scata any-pesin wey bad-mouth hin neighbour for secret; I no go accept pesin wey dey look pipo wit small- eyes, and wey dey buga for dia heart.

6. I go put my eyes on di faithful pipo wey dey for di land, so dat dem go stay wit me; di ones wey waka in a perfect way– go serve me.

7. No-pesin wey dey do mago- mago go stay for my house; no- pesin wey dey tok lie go fit stand for my front.

8. For early morning, I go scata all di wicked pipo for di land, and I go komot everi-pesin wey dey do evil tins from di city of Baba-God.

Questions about Psalm 101

What is Psalm 101 in Pidgin Bible?

This page contains Psalm 101 in Nigerian Pidgin Bible. Read the passage here: https://pidginbible.com/psalm-chapter-101/

Where can I read Psalm 101 in Nigerian Pidgin?

You can read Psalm 101 in Nigerian Pidgin on Pidgin Bible: https://pidginbible.com/psalm-chapter-101/

Which Bible book contains Psalm 101?

Psalm is the Bible book identified by this reference.

What chapter is Psalm 101?

The chapter identified by this reference is 101.

Topics connected to this passage

• Guidance
• Worship