Psalm Chapter 114
Dis Na Song For Di Passover
Festival
- Wen Israel komot from Egypt, and di house of Jacob komot from foreign language,
2. Judah turn to Baba-God holy- place, and Israel turn to hin Kingdom.
3. Di Red sea see dem, con jakpa. River Jordan turn go back.
4. Di mountain jump like rams, and di hills like lambs.
5. Wetin worry you, oh big-river, wey you con run? Chai Jordan, wetin make you turn back?
6. Mountains, wetin happun wey you jump like ram; and you hills—like lambs?
7. Oh earth, make you shake for Baba God front—for front of Baba-God of Jacob,
8. wey turn rock to stream, and make water flow from strong rock.