Jeremiah Chapter 45

Jeremiah Message to Baruch

1. Na wetin prophet Jeremiah tell Baruch wey be di son of Neriah for di fourth year of Jehoiakim wey be di son of king Josiah di king of Judah, afta Baruch don write di words wey Jeremiah tell am to write for book:
2. Baruch, dis na wetin Baba-God dey tell you, di God of Israel,
3. “You tok sey wahala for me now, becos Baba-God don add sadness join my pain; I don taya to dey cry, and rest no dey for me.”
4. Baba-God tok sey, “Tell am dis tin: Dis na wetin Baba-God tok: I go scata wetin I don build, con komot di root of wetin I don plant tru-out di land.
5. Abi you go con dey fyne great tins for yoursef? No fyne dem. Becos I go carry wahala come meet all di pipo,” naso Baba-God tok, “But I go allow you escape wit your life anywhere wey you go.”