Psalm Chapter 128
Pesin Wey Dey Respect Baba-God
- Dis na song of rising. Blessings for all di pipo wey dey fear Baba-God, wey dey waka for hin way.
2. Wen you chop di fruit of your hustle; you go jolly and e go beta for you.
3. For your house—your wife go be like tree wey dey produce plenty ripe fruit; your pikin go be like olive plant round your table.
4. Naso di blessing of di man wey dey fear Baba-God go be like.
5. Baba-God go bless you from Zion, and you go see di prosperity of Jerusalem all di days of your life.
6. You go live long to see your pikin-pikin. Make peace dey for Israel