- Dis na Psalm of David. Oh Baba-God, hear my prayers, listen to my cry for mercy; ansa me
inside your goodness and faithfulness.
- No judge your servant, no-pesin for dis life dey righteous for your eyes.
- Di enemy dey pursue me, he nack me for ground; he make me stay for darkness like pipo wey
don die tey-tey.
- So my spirit inside me no-strong again, me and my mind dey cut.
5.I remember di olden days; I dey meditate on all your handworks, and I dey reason all wetin
your hand don create.
- I carry my hands give you, my soul wan drink you like dry land wan drink water.
- Oh Baba-God, ansa me kiakia, my spirit don dey give up. No hide your face from me, or I go
be like those wey for grave.
- Make di morning bring di word of your love wey no dey fail. I don put my trust inside you.
Show me where you wan make I go, I don carry my soul give you.
- Oh Baba-God, save me from my enemies, I dey hide my head inside you.
- Teach me how to do wetin you wan make I do, na you be my God, make your good spirit
carry me go ground wey level.
- Ginger me becos of your name, carry me comot from wahala wit your righteousness.
- Silence all my enemies wit your love wey no dey fail. Scata all my enemies, becos I be your
servant.
Post Views: 15
