- Oh sheapard of Israel, hear us, you wey lead Joseph as shepherd dey lead
sheep; you wey sidon dey shne for throne di middle of two cherubim,
- you dey shine for front of Ephraim, Benjamine and Manasseh. Make your big
power wake up con save us.
- Chai Baba-God, build us again, make your face shine for awa body so dat we go
save.
- Chai Lord God almighty, how long your vex go dey burn di prayers of your pipo?
- You don use bread of tear take feed dem, you don make dem drink tears wey
full inside bowl.
- You don make awa neighbours dey fight us, awa enemies dey yab us.
- Build us again, chai Baba-God almighty; make your face shine for awa body so
dat we go save.
- You bring vine comot from Egypt; and you drive di nations comot, and you con
plant am.
- You clear di land for am, e get root, con grow and e con full di land.
- Di mountains con cover wit shades and di elele cedar wit hin branches.
- Hin branch long reach di seas and hin body go reach di River.
- Why you scata e walls so dat pipo wey dey pass dey pick hin grapes?
- Boars from forest dey chop am anyhow and di animals wey dey for field dey
chop am.
- Come meet us again, Oh God almighty. Look down from heaven make you
see! Dey watch dis vine,
- di root wey your right hand don plant, di son wey you don train for yourself.
- Your vine down cut for ground, con burn am wit faya; your pipo dey pkeme
wen you change am for dem.
- Make your hand dey on di man wey dey for your right hand, man pikin wey
you don train for yourself.
- So we no go fashi you; ginger us, and we go call your name.
- Build us again, Oh Lord God almighty; make your face shine for awa body so
dat we go dey free.
Post Views: 20
