- I go sing about Baba-God ogbonge love forever, wit my mouth go yarn about
Baba-God faithfulness for all di generations.
- I go ok sey your love dey stand gidigam forever, sey you don stand your
faithfulness gidigbam for ground inside heaven.
- You sey, “I don make convenant wit di one wey I choose, I don swear give David
my servant sey,
- ‘Dem your pikin go stand gidigbam for ground forever and I go con make yout
throne stand for ground gidigbam for all generations.”
- O Lord, di heavens dey praise your wonders and your faithfulness for where di
holy-pipo gather put.
- Who dey for di sky wey fit compare wit Baba-God? Who be like Baba-God for
among di pipo of heaven?
- Dem dey fear God well-well among di senior-men for heaven. He ogonge pass
all of dem wey dey hin side.
- O Lord God Almighty, who fit be like you? You big well-well and your
faithfulness full your side.
- Na you dey control the seas wey dey pour come out; wen hin waves rise go up,
na you dey cool am down.
- You nack Rahab for ground like deadbody; you dabaru all you enemies wit
your strong hand.
- Na you get di heaven, na you get di earth sef. Na you create di world plus
everi-everi wey dey inside am.
- Na you create di north and di south; Tabor and Harmon dey sing wit joy for
your name.
- Na power dey your arm, your hand dey strong, your right hand get levels.
- Righteousness and justice na di foundations of your throne; love and
faithfulness dey waka for your front.
- Oh Lord, blessed na those pipo wey don learn sey dem belong to you, wey dey
waka for di light wey dey shine for your front.
- From morning till night nahin dem dey happy for your name, dem praise you
for inside your righteousness.
- Na you be dia levels and dia strength and you use your favor give dia horn
levels.
- Awa king, the holy one of Israel, true-true, na you get our shield.
- Dat year for inside vision, you follow your pipo yarn sey, “I don pack strenght
full on fighter fight body; I don give one young man levels among di pipo.
- I don see David my servant; I don anoint am wit my holy ororo.
- My hand go keep am; true-true my hand go give am strength.
- No enemy go fit make am pay homage, no wicked man go fit press am down.
- I go nack hin enemies down for hin front and I go strike hin enemies down.
- My faithful love go dey wit am, and wit my name hin horn go get levels.
- I go put hin hand cover di sea and hin right hand go cover di rivers.
- He go halla me, ‘Na you be my Palee, my God, my rock and savior.’
- I go make am be my firstborn sef, di king wey get levels pass for dis earth.
- I go maintain my love for am forever, and my agreement wit am no go ever
fail.
- I go stand dem hin pikin gidigbam for di land forever, and hin throne go dey as
long as di heaven dey forever.
- “If dem hin pikin fashi my law an dem no gree follow my way,
- If dem go gree do wetin I talk sey make dem do and no gree keep my
commandment,
- I go use iron punish dia sins and use koboko flog dem for dia bad-bad sins;
- but I no go carry my love comot from am, or make I ever betray hin
faithfulness.
- I no go break my agreement or change mouth.
- Once and for all, I don swear wit my holy-holy way—and I no go lie to David—
- sey dem hin pikin-pikin go carry-go forever and hin throne do dey for my front
like di sun;
- e go stand gidigbam forever like di moon. Di faithful witness for sky.”
- But you don bone me, you don fashi, you don dey vex for di one wey you don
anoint.
- You don fashi di agreement wey you make wit your servant and you don make
hin crown rub dust for ground.
- You don brake all hin wall, con scata where he dey hide hin head put.
- Everi-pesin wey dey pass dey steal di tins wey he get. Hin neighbours dey use
am laff.
- You don give hin enemies right hand levels; you don make all hin enemies dey
happy.
- You don turn your sword face anoda side and you no gree support am for
fight.
- You don stop all hin beta-beta life con put hin throne for ground.
- You don cut di days of hin youth short; con make shame full hin life.
- How long, Oh Baba-God, you go dey hide yourself forever? How long you go
dey vex like faya.
- Remember as my life take dey kiakia pass go, wetin you gain by creating men!
- Which man fit dey wey no go die? Or fit save hinself from grave?
- Oh Baba-God, where di ogbonge love wey you bin get for us before-before,
wey you bin swear give David wit your faithfulness?
- No forget, Oh Baba-God, as pipo don yab your servant reach, as I take dey
maintain for my heart as di nations dey whyne me.
- Di whyning wey dem your enemies take yab everi step of your anointed pesin.
- Prasise be to Baba-God forever! Amen and Amen.
Post Views: 28
