Psalm Chapter 4

PrayerForEvening
To di music producer. Wit music
instrument wey get string. Dis na Psalm of
David. Ansa me wen I dey call you, chai
Baba-God wey be my good God. You don
cool me from my wahala; sorry-for
me—con hear my prayer.

1. Chai man pikin, how long una go dey
   turn Baba-God glory to disgrace? How
   long una go dey love yeye tins, con dey
   follow wetin no be true?
2. I wan make una know sey Baba-God don
   choose faithful pipo for hinsef; Baba-God go
   hear me wen I call am.
3. No do bad tin becos you dey vex; wen
   you dey for bed—look inside your heart,
   make you dey quite.
4. Give di correct sacrifices, con trust
   Baba-God.
5. Many pipo dey ask, “Who go fit show us
   beta life? Make di light wey dey your
   face—shine upon us, oh Baba-God.
6. You don make my heart brekete
   wit jolly-jolly—even pass pipo wey
   get full harvest of food, and drinks.
7. I go lie down sleep wit alafia,
   becos na only you dey keep my life safe.