Psalm Chapter 95

Praise Plus Worship

1. Come make we sing to Baba-God, make we raise awa happy voice to di rock of awa salvation.
2. Make we come hin front wit tanks-giving, con shout wit happiness to am wit
3. Na Baba-God be di ogbonge God, and na di ogbonge Oba wey get levels pass oda gods.
4. Di deepest part of di earth, plus di
   highest part of di mountain dey for hin hand.
5. Nahin get di big-rivers, nahin make am, and hin hand make di dry land.
6. Oh come, make we bow down con
   worship, make we kneel down for di Oga wey make us.
7. Nahin be awa God, and we be di pipo of hin green-land, we be pipo wey he dey care for—If you hear hin voice today.
8. Make you no do gragra for your
   mind—as una do wen una disobey me, as una do for di days of temptation for inside di desert,
9. wen una ancestors test me, and dem try me—even wen dem don see wetin I do.
10. I vex for dat generation for forty years; I tok sey, ‘Dem be pipo wey dia heart don waka miss-road, and dem no sabi my ways.”
11. So I use vex swear sey, “Dem no go enta inside my rest.”