Psalm Chapter 136

He Dey Sorry-for Pesin Forever

1. Give tanks to Baba-God becos he dey
   good, and he dey sorry-for pesin forever.
2. Give tanks to di God of gods—becos he dey sorry-for pesin forever.
3. Give tanks to di Oga of Oga—becos he dey sorry-for pesin forever.
4. Give tanks to Baba-God, na only am fit do ogbonge tins—becos he dey sorry-for pesin forever.
5. Give tanks to Baba-God wey make di heavens wit hin sense—he dey sorry-for pesin forever.
6. Give tanks to Baba-God wey make di earth on top of water—becos he dey sorry-for pesin forever.
7. Give tanks to Baba-God wey make ogbonge lights—becos he dey sorry-for pesin forever.
8. Di sun go rule di day—becos he dey sorry-for pesin forever.
9. Di moon plus di stars go rule di night—becos he dey sorry-for pesin forever.
10. Give tanks to Baba-God wey kill Egypt first born—becos he dey sorry-for pesin forever.
11. He con carry Israel komot from among dem—becos he dey sorry-for pesin forever.
12. Wit hin strong hand, and hand wey he stretch out—becos he dey sorry-for pesin forever.
13. Give tanks to Baba-God wey divide di Red sea—becos he dey sorry-for pesin forever,
14. but he carry Israel pass tru di middle of am —becos he dey sorry-for pesin forever,
15. and he sweep Pharaoh plus hin army inside di Red sea—becos he dey sorry-for pesin forever.
16. Give tanks to Baba-God wey carry hin pipo pass tru desert—becos he dey sorry-for pesin forever.
17. Give tanks to Baba-God wey nack great kings for ground—becos he dey sorry-for pesin forever.
18. He kill ogbonge kings—becos he dey sorry-for pesin forever.
19. Sihon wey be di king of Amorite—becos he dey sorry-for pesin forever.
20. And Og wey be di king of Bashan—becos he dey sorry-for pesin forever,
21. con give dia land to hin own pipo—becos he dey sorry-for pesin forever.
22. He give di land to hin pipo Israel—di pipo wey dey serve am, becos he dey sorry-for pesin forever.
23. He no dey fashi us for awa low level—becos he dey sorry-for pesin forever.
24. He free us from awa enemies—becos he dey sorry-for pesin forever.

25. He dey give food to everi living
    tin—becos he dey sorry-for pesin forever.
26. Give tanks to Baba-God of heaven—becos he dey sorry-for pesin
    forever.