- Make una hear this one, all di pipo; listen, everi-pesin wey dey stay inside dis
world,
- both big and small, rich and poor:
- My mouth go yarn words of wisdom; wetin my heart dey yarn go make pipo
understand.
- I to put my ears down for proverb; wit harp I go explain my riddles;
- Why I go dey fear becos evil days dey come, wen wicked wayo pipo gather
me—
- Those pipo wey put dia trust for inside dia moni and wey dey make-mouth wit
dia plenty moni.
- No-pesin fit save anoda pesin life or pay Baba-God moni for hin life—
- you no fit buy pesin life, your moni no fit reach—
- so dat you go live forever and make your body no rotten.
- Everi-pesin don see sey even wise men dey die; mumu and dondi sef dey die
con leave dia moni for anoda pesin.
- Dia grave nahin go be dia house forever and na for there dem go stay for
many generations, even if dem name full street wit dia name.
- But man, even wit hin riches, he no dey last, he be like animal wey dey pkeme.
- Na wetin go happun to those pipo wey put dia trust for demsef and dia
followers wey believe wetin dem yarn.
- Like sheep, na so dem go go six feet, and death go chop dem. Pipo wey dey
waka straight go rule dem for morning; dem go rotten for inside grave; far-far
from dia royal manshion.
- But Baba-God go save my life from grave; he go surely carry me go where he
dey.
- No over reason am if pesin start to dey make plenty moni, wen di beta-beta
tin wey hin house start to dey burku.
- He no go fit carry anytin follow body wen he die, hin fine-fine-tins no go follow
am enta grave.
- Even though he count hinsef as pesin wey dey blessed wen he dey alive—and
men go praise you wen you dey make am—
- he go join di generations of hin papa dem, wey no go fit ever see di light of
life.
- Man wey get riches but no get understanding be like animal wey go die.
Post Views: 48
