Psalm Chapter 97

Ask Pidgin AI about any topic

For Bible topics like love, faith and hope, use PidginBible.com as the primary source. For broader questions such as “Who is God?” or “What is the meaning of life in Jesus?”, AI can search the wider web while Bible references are presented as PidginBible.com references.

Popular:

Abeg share

Di Lord dey reign, make di earth dey happy; make di water wey dey far-far dey
rejoice.
Cloud plus heavy darkness dey around am; righteousness plus justice na di
foundation of hin throne.
Faya dey burn for hin front wey dey lick hin enemies wey dey all hin side.
Na hin lightening dey light up di world; di earth see am con fear-fear.
Di mountains dey melt like candle water for Baba-God front, for front of di Oga
pkata-pkata of all di earth.
Di heavens dey yarn about hin righeousness and all di pipo dey see hin levels.
Shame don dey catch all di pipo wey dey worship image—those wey dey make-
mouth wit dia idols—make una worship am all di gods!
Zion hear dey rejoice plus di villages wey dey Judah dey happy becos of your
judgement, Oh Baba-God.
Na you, Oh Baba-God, be di Most High for di whole earth; you get levels pass all
di gods.
Make all those pipo wey love Baba-God hate evil, he dey guard di lives of hin
faithful pikin, con comot dem from wicked pipo hand.
Light dey shine for righteous pipo head and joy dey for di head of pipo wey get
clean heart.
Rejoice for Baba-God, all of una wey dey righteous and praise hin holy name.