Psalm Chapter 138

Dis Na Prayer Of Tanks-giving

1. I go praise you wit all my heart; I go sing your praises for front of di gods.

2. I go bow down face your holy worship-place, and I go praise your name becos of your soft-love, plus your truth—becos you don give your word levels pass your name.

3. You ansa me wen I call, you make me get full-mind wit pawa inside my soul.

4. Oh Baba-God, all di kings of di earth go praise you, wen dem hear di word from your mouth.

5. Make dem sing about Baba-God way, becos Baba-God levels na ogbonge.

6. Even as Baba-God dey up-up, he dey reason pipo wey dey low- key, but na from far-far he take dey notice pipo wey dey feel big.

7. Even if I waka inside wahala, you dey keep my life; and you stretch your hand against di vex of my enemies, and you use your right hand take save me.

8. Baba-God go make everitin about me dey perfect; Oh Baba-God, you dey sorry-for pesin forever—no fashi your handwork.

Questions about Psalm 138

What is Psalm 138 in Pidgin Bible?

This page contains Psalm 138 in Nigerian Pidgin Bible. Read the passage here: https://pidginbible.com/psalm-chapter-138/

Where can I read Psalm 138 in Nigerian Pidgin?

You can read Psalm 138 in Nigerian Pidgin on Pidgin Bible: https://pidginbible.com/psalm-chapter-138/

Which Bible book contains Psalm 138?

Psalm is the Bible book identified by this reference.

What chapter is Psalm 138?

The chapter identified by this reference is 138.

Topics connected to this passage

• Love
• Prayer
• Salvation
• Guidance
• Worship