Psalm Chapter 121

Epp Dey Come From Baba-God

1. Dis na song of rising. I carry my eyes up go di mountains—where my epp go come from?

2. My epp dey come from Baba-God—wey make heaven plus earth.

3. He no go let your leg shake, pesin wey dey watch you no dey sleep;

4. True-true, pesin wey dey watch Israel no go crash or sleep.

5 . Baba-God dey watch you—Baba-God na your shade for your right hand.

6. Di sun no go wound you for day, or di moon for night.

7. Baba-God go keep you from evil—he go save your soul;

8. Baba-God go keep you wen you dey komot, and wen you dey come back—both now and forever.