Psalm Chapter 30
- I go give you levels you Oh Baba-God, na you lift me comot from hole and you
no let my enemies dey laff me. - O Lord my God, I call you for epp and you epp me.
- O Baba-God carry me comot from di grave, you save me from going down six
feet. - Make all hin holy-pipo sing for Baba-God, praise hin holy name.
- Hin vex no dey tey at all, but hin favor dey last forever; cry-cry fit burku for
night but jolly-jolly must come for morning time. - Wen I dey secure, I tok sey, “I no go ever get shaking.”
- O Lord, wen you bin favor me, you make my mountain stand gidigbam; but my
mind cut wen you troway face comot for my side. - Na you I dey call, Baba-God; God I dey cry to make hin sorry for me;
- “Wetin you gain if I pkeme, if I enter six feet? Abi dust fit praise you? Abi dust
no go fit yarn about your faithfulness? - Hear me O Lord, make you sorry for me; Oh Lord, make you be my epp.”
- You don turn my cry-cry to skelewu; you don remove di rag wey bin dey wear
for body, con wear joy for my body like baffup, - so dat my heart go fit sing for you and I no go dey silent. Oh Baba-God, I go
give you tanks forever.
Questions about Psalm 30
What is Psalm 30 in Pidgin Bible?
This page contains Psalm 30 in Nigerian Pidgin Bible. Read the passage here: https://pidginbible.com/psalm-chapter-30/
Where can I read Psalm 30 in Nigerian Pidgin?
You can read Psalm 30 in Nigerian Pidgin on Pidgin Bible: https://pidginbible.com/psalm-chapter-30/
Which Bible book contains Psalm 30?
Psalm is the Bible book identified by this reference.
What chapter is Psalm 30?
The chapter identified by this reference is 30.
Topics connected to this passage
- Salvation
- Worship